2007.09.20 (有煙霞) Thur. 迎接返兩日半工既下個星期

1. 左邊就係發仔，右邊就係佢女朋友Kathy喇 2. 呢個係kilo 佢打winning好有研究架
3. 留意下個keyboard~ 係"阿姐"自己掏錢包，為我地房每人添置一個架
4. 成日都有個著背心既「背影殺手」坐响公司樓下，睇書同寫簿仔....
5. 我地公司每次lunch time之後，都好凌亂=.= (因為每次都有十幾人入來打機..)
6. 呢間就係「新都城」商場入面果間好受歡迎既「板前壽司」喇，我果日排隊等位等左個半鐘...

終於到左禮拜四晚喇，由於下個禮拜只係返兩日半工(禮拜二放四點，禮拜三放中秋假，禮拜五跟公司返廣州)，再加上再下個禮拜一係國慶假期，呢兩個禮拜只可以用一個字來形容--「正」!

之前有人問我公司係咩樣，今次就等我放d公司既相上來啦，順便放埋啱啱果個禮拜日，同三個朋友去食板前壽司既相啦~

2007.09.18 (晴、有煙霞) Tue Ivan著裙呀!!(有相為證!!)

坐响我隔離既同事Ivan，今日佢換新裝(著左陳法拉條裙....仲換埋佢對腳....=.=)
事緣食中午飯果時，Kenny同我傾開計，話有一期既「HIM」雜誌送左兩版 1:1 真人大細既陳法拉 相片。我覺得好奇，佢就話不如佢問其中一個同事將佢收埋果張poster拎入來我地房度放啦(因為我地房自成一角，無咁礙眼 XDD) 結果，佢真係拎左入來，搞到我地房拎左張poster來玩左好耐......Ivan一唔小心，就咁俾人偷偷影低左喇....之後，我地每個人都話，行近張poster之前，都要小心d 因為隨時會俾人玩偷拍~"~

2007.09.17 (陰、有煙霞) Mon New Converse

上個weekend買左對新既converse，因為舊果對已經俾我著到爛左(尤其經過澳洲果個半月既農場工之後)，捱到咁耐都算抵返晒。
今次買左對仲平既，不過可惜唔係我最想買既中筒鞋，無計，呢排出既鞋款多數都係低筒(即係無筒lor...)。不過d條紋都幾ok，所以就買左佢lu。
呢對鞋可以話抵，又可以話"抵"。因為抵既緣因係佢夠平($259)，如果又可以著返年幾兩年，真係超抵添，加上個款都幾ok，我諗暫時都唔駛買另一對住；至於"抵"既緣因，就係因為佢主色係白色，講到尾其實可以稱得上只係一對貴價既羽毛球鞋....XDDDD 用呢個價錢買對羽毛球鞋，你覺得抵唔"抵"呢?


另外，今日放工搭地鐵果陣，突然間有人"Hi"我，原來係以前中學既同學「黃冠豪」。以前同呢個人都唔多兩句，因為覺得佢好自大、嚣張、話題無聊。今日一見，依然固我，同我"hi"完，問我係唔係放工就無野講.....=.=" (我寧願佢唔好hi我仲好...) 我唯有暫時抑制自己既"不情願"，掏出躲响內心心處唔想出來既"熱情"(始於都只係攞左一半....=.=)，同佢傾左幾句好門面既話題(即係果d「依家响邊度返工呀?」、「幾時出門口呀?」、「平時都係呢個時間放工架?」<---呢句只係俾我避開同一時間又遇到佢啫.....) 佢答我既時候，仲要用一副好"作狀"既表情來回答我....本來今日心情都好好既，即係影響晒.....好在只係限於果一陣，因為我絕對唔會俾自己咁容易俾d無關係既人影響到我既~
P.S. 希望唔好再响放工既時候遇到佢....

2007.09.13 (晴) Thur.

呢兩日放左工經過「又一城」同「新都城」商場既時候，都有順便去行下，因為除左對住d code之外，都想望下其他野。行下之後心情就輕鬆左，否則真係會keep住無乜精神。可能因為呢個禮拜一開始就唔夠訓啦，所以就搞到成個禮拜都唔係好夠訓，加上每日返左屋企，都總會搞東搞西，差唔多又要十二點先可以訓，keep住落去，都應該要weekend先可以訓返夠....今個weekend決定唔咁早起身lu，因為起左身都好難訓得返....
我諗，當有一日我唔再只係體力上覺得攰，而係連精神上都覺得攰，無乜動力的話，就差唔多要轉工既時候lu，不過我諗呢一日暫時都仲有一段距離先會到...

講起依家份工，到依家為止，都尚算順利，個forum既function愈加愈多喇，今日响度整緊個poll，大致上都無乜問題，set a topic with poll呢個目標都已經做到...即係d資料已經落到database，但係就唔知點解，總係會有一段error message return返來...所以暫時無理呢個error，去整左個get poll data既task先。依家好有決心，想盡快將個forum大部份既function都implement出來，為呢個project出一分力，好讓Author可以早d將呢舊野都放埋上去個world度啦。

2007.09.02 (晴) Man U vs Sunderland

頭先睇左Man U. vs Sunderland 既比賽，頭果七十分鐘就正如個旁述講既一樣"Man U. still work very hard for the gap, and let Sunderland couldn't get a sustainable procession" 但係，始於就係過唔到龍門既十指關。個新特蘭既守門員實在太勁喇，好在，終於在71分鐘，由Nani開既角球俾Saha頂入，將呢個比數維持到完場，攞返三分。呢三分真係得來不易。