今日第一次去interview，出門口之前真係好緊張，愈接近見工果一刻就愈緊張。
由於間公司在上環地鐵站附近，本身搭地鐵其實好快就到，不過怕遲到，結果預早左一個鐘頭搭車，早左半個鐘頭到左果度。
在公司樓下的美心快餐坐左陣，之後決定早d上去，結果又係坐；坐到6點05分，老細終於入左來(我都唔係好知果個係唔係老細~"~，不過全間公司得十五人，我估會係啦)，佢都幾後生，傾既時候都幾nice。前後傾左半個鐘，個interview就結束左lu~
等我總結下今日interview既問題先:
Q1. 可唔可以介紹下你自己呢?
Q2. 點解你會選擇去台灣讀大學呢?
Q3. 在台灣讀完大學，你去左澳洲讀左一年，咁你覺得兩個地方既教育有咩分別呢?
Q4. 你覺得去澳洲讀完，符唔符合你既期望呢?
Q5. 你認為作為一個developer需要具備咩特質呢?
Q6. 如果要你設計一個stand-alone 同一個 web-based 既system，你會覺得佢地之間有咩分別，從邊方面著手呢?
Q7. 如果俾一份spec.(specification)你，基本上呢份spec.已經足夠你去build一個system，咁樣你仲會有咩想從client果度知道呢? (呢題真係令我有D啞左...=.=)
Q8. 你用過咩database呢? (我話只係用過postgraduate，佢有d驚訝XDDD 不過，其實我都用過microsoft既SQL既~)
Q9. 咁你有無試過design一個database呢？(我話响documentary方面有，佢又笑左下，早知唔答得咁simple啦，因為其實有落手做過既...=.=)
Q8. 你覺得自己有咩優點和缺點呢?
Q9. 你平時用咩development tools或者咩design patterns 呢?
Q10. 你有無咩問題想問呢?
見完工，佢話下個禮拜會有電話通知我，咁...我仲幫唔幫琪姐做interviewer，進行個市場調查呢...天氣咁熱，分分鐘會做到暈低响度架喎...=.=
唔理住，今晚同個friend去睇下戲先~ ^^"
沒有留言:
張貼留言