今日下午數碼港呢邊既大老闆George來左我地個conference睇我地demonstrate個project俾佢睇，我同另外兩個同事身為低級職員，梗係無份留响入面啦XDDD 所以Marketing 既Shirley就建議我地不如提早去食午飯先，點知....慢慢食左成個鐘，大老闆都未出來，仲試緊個project，結果又落左去行多兩個圈，返上公司再坐多陣先等到佢地返出來...跟住返入房問下jacky，知道已經定左9月28號出beta版本俾公司既所有同事做測試，然後十月就要出街公開出去lu....唉....好趕好趕....
今晚去左出席中同聚既打邊爐晚餐。去之前打俾PL問左大概去既方法，點知出左地鐵都始終唔係好識行(可能真係太耐無响香港行過街...XDD)，好在，始終都俾我行到啱既地方搵到間『稻香』。一上到去大家都開始食緊野，哈哈，我都唔執輸，坐低之後就跟住食。好耐無見過大家，坐低之後有講有笑幾開心。
星期五又會有一次同另外一d中學同學既聚會，果晚仲要上堂，聽晚又係....睇來呢個禮拜都幾"忙"....尤其是今日老闆話個jforum係expect我兩個禮拜就搞掂....聽到之後眼都突埋....XDDD
真係要响Mike離開公司之前，問晒佢d進度同埋寫左d咩都要攞晒過來，盡早搞清楚由邊度入手開始做先得。呢期真係煩呀.....
沒有留言:
張貼留言