呢日，由於一號風球，所以同Allen及Thomas一齊去左Terry屋企。雖然Terry住响馬鞍山，勁遠，好在thomas開車載我地過去，所以都無乜所謂(雖然部車既空間細左d...@@")
果日，由出發既時候，到一齊食完飯，唔夠幾個鐘頭既時間，竟然無端端變左八號風球，大家都有d驚訝。(不過點比d風勢都唔及澳洲一半...都唔明點解澳洲無風球訊號呢樣野...咁樣可以返少好多學 XDDD)
所以，玩左無幾耐就返左屋企。
p.s. 果日去到terry屋企，最令我深刻既，係我一入屋放低個袋响地下唔夠三分鐘，佢隻肥狗就送左樣紀念品俾我....佢....竟然....呵尿响我個袋上面!!! 氣死，搞到要即刻拎個袋入廁所沖水...都仲未話俾細佬知佢個袋槽遇到呢個不幸添...唔知佢見到呢篇文章有咩反應呢...~"~
沒有留言:
張貼留言