由於經過左一個星期既半失眠狀態，即使尋晚可以昏睡，and個身有返d體力；但係，個頭始終都係暈下暈下....加上今日星期五，返到公司真係唔係好想做野...
不過問左Jacky佢地果邊要receive既data既要求之後，再加上公司同事一齊搞既winning聯賽第二日賽程之後，經過我老細既指點下，終於將最後個Web Services 既logic都寫埋出來，剩低既應該响禮拜一去完太古城IT&T Showcase聽完大老闆既Session Breifing之後，返來用剩低既幾個鐘就可以搞掂，然後睇下我老細既下一步指示啦....(下一個task? 唔係真係要改JForum嘛....)
今日搞掂d野之後，"ja ja 臨"落去排隊準備搭shuttle，點知一落到去，條龍差唔多排到電梯門口，時間本來都唔係好夠，如果搭唔到呢班車，先走去搭小巴出銅鑼灣再轉地鐵，起碼要遲半個鐘先上到堂啦!!!
所以，把心一橫，都係要用十五蚊坐巴士落上環再轉地鐵。最後，响遲左十分鐘既情況下，終於去到旺角上堂。(唔知點解，明明就應該响D3出口行出地鐵站，點知次次都行左去D2出口出去，搞到又要行返過對面馬路...最球人口密度最高既地方咁樣趕時間法，真係想少D技術都唔得...=.=)
唔知係咪因為今日星期五，比起星期二果日，地鐵站特別多人，中環、金鐘、旺角D人多到爆...好在响中環轉左車，如果唔係，响金鐘都唔知要等幾多班車先上到.....
又計下今日既消費先....
a.m.
早餐：$8 (今日終於轉左口味，食左份三文治)
地鐵：$8.2
p.m.
lunch: $36 (呢間恆香棧...個飯賣相竟然連大家樂都比唔上，但係都收我呢個價....真係 #&$()@&$#@*#=.=)
night
巴士：$5
地鐵：$10 (原來又中環去旺角都要十蚊...)
珍寶腸: $10
茉香奶茶：$6 (呢兩樣係上堂上到一半break既時候買來頂肚餓既"小食")
吉野家雞肉飯：$27 (呢個先至係真正既晚餐...XDD 哈哈 聽日weekend，食多少少無事既~)
地鐵：$8.2
Total: $118.4 哇...新高...同今日跌到澎澎聲既市成反比添....= ="
沒有留言:
張貼留言