原本禮拜五既時候，阿賢同佢女友搵埋我同佢地兩個一齊買飛，打算睇果套"老鼠xxx"既動畫電影。點知，由於麗姨來左香港，星期日就走，所以我禮拜日朝早就要陪佢四圍行下，睇唔到場戲。 (無法啦，佢係媽咪個細妹，媽咪唔得閒，唯有我招呼佢啦，鬼叫我最得閒...= =")
下午返到來無乜野做，咁啱華仔前果晚有問我想唔想睇"不能說的秘密"，一於就改睇呢套啦~
本來對呢套周杰倫第一次執導既戲無乜期待，不過，睇完又發現原來幾好睇架喎，個故事都幾令我有驚喜(唔知係唔係因為我本身對呢套戲無乜期待呢:-P)
至於情節...無謂响呢度講啦，怕影響左果d未睇既人。總之，呢套戲都幾值得推介俾情侶們入場睇。 (評分： 故事情節:7.5/10 拍攝手法:7/10 抵睇指數:7/10)
食完野就搵埋ａｌｌｅｎ一齊去大快活食個下午茶，然後坐左好耐。大家講起見工既時候會遇到既"雕"難問題(尤其是HR為左測試candidate面對壓力程度既pressure test -- 真係唔講起都無諗到可以咁harsh)，傾完都覺得有d驚添...~"~ (搞錯呀!!我in果份都無咁難既!!!係咪只係得少數大公司好似H&M咁架!!??)
Anyway, 唔理lu，船到橋頭自然直啦~(呢幾日做多d準備先得~)
今日見到負責全港既提款機果間銀運(JETCO)响jijis請人，d要求同我讀既野都幾match，所以打算聽日send份application去試下。
夜lu，打住咁多先~ Goodnight~
沒有留言:
張貼留言