2007.08.26 (晴)

今日有d無聊，今朝起身之後，就响屋企部機度繼續嘗試integrate個 jforum落個eclipse度，因為雖然公司果部終於可以run到，但係屋企果部仲未得。搞到下午，終於俾我set返好晒d classpath。發現原來個.project file係唔駛郁佢既...唔怪之得之前順手將呢兩個由eclipse自己起出來既files，用jforum provides果兩個蓋過左之後，就run唔到個tomcat啦....繞左個大圈，都好，總算知道發生左咩事。
根住下午就俾Allen叫左落去食下午茶，同埋華仔仲有阿和、李志恆幾個一齊食。食完就去左千色店陪Allen買熨衫板 (離遠望落去，真係幾似拎住塊滑浪板行街 XDDD)。之後打左陣機，再幫李志恆set左成個鐘都未set好個server，就返食飯先lu。咁樣就已經八點幾。再搞search下個forum 既package，又到訓覺既時間lu，估唔到咁快就過左呢個weekend。
聽晚因為麥麥同阿food生日，今晚PL响msn約左我一齊去；都好，雖然返到來實會好夜，不過見下大家都唔錯。